ప్రతి ఒక్కరు పరిశుభ్రతను పాటించాలి

ప్రతి ఒక్కరు పరిశుభ్రతను పాటించాలి

ఏపీ టుడే న్యూస్- నంద్యాల
జిల్లా- ఉల్లి గుర్రప్ప –

*శిరివెళ్ళ:-(యర్రగుంట్ల);* మండల పరిధిలోని యర్రగుంట్ల మేజర్ పంచాయతీ గ్రామంలో స్వచ్ఛతాహి సేవ ప్రధానమంత్రి మోడీ ప్రతిష్టాత్మకంగా ప్రారంభించిన స్వచ్ఛతాహి సేవ కార్యక్రమంలో ఈవో వెంకటేశ్వర్లు పిలుపుమేరకు ముఖ్యఅతిథిగా పాల్గొన్న తెలుగుదేశం పార్టీ నాయకులు కమతం లక్ష్మి రెడ్డి తెదేపా యువ నాయకుడు సత్తార్ లక్ష్మిరెడ్డి, సత్తార్ నాగిరెడ్డి, తపస్సి శ్రీరాములు, యాపారాల తిరుపతి, తాళ్లూరి వెంకటేశ్వర్లు, గ్రామంలోని డంప్ యార్డ్ వద్ద మొక్కలు నాటారు.
అనంతరం వారు మాట్లాడుతూ మీ ఇంటి దగ్గర పరిసరాలను పరిశుభ్రంగా ఉంచుకోవాలని ప్రతి ఒక్కరు వారానికి రెండు గంటల చొప్పున స్వచ్ఛ కార్యక్రమంలో పాల్గొనాలని పిలుపునిచ్చారు.
పరిసరాలు పరిశుభ్రంగా ఉంటేనే ఈగలు, దోమలు చేరకుండా ఆరోగ్యకరమైన వాతావరణం ఉంటుందన్నారు.
మన ఇండ్లలో ఏర్పడే చెత్తను బుట్టలోకి వేసుకొని మురికి కాలువలో వేయకుండా చెత్త బండ్లలో వేయాలన్నారు.
ఈ కార్యక్రమంలో తెదేపా నాయకులు, కార్యకర్తలు గ్రామ ప్రజలు తదితరులు పాల్గొన్నారు.