ప్లాస్టిక్ వాడకాన్ని పూర్తిగా నిషేధిద్దాం….. రేంజ్ అధికారి శ్రీపతి నాయుడు.

యల్ యన్ మద్దిలేటి రుద్రవరం విలేకరి.
నంద్యాల జిల్లా రుద్రవరం.
ఏపీ టుడే న్యూస్ :

ప్లాస్టిక్ వాడకాన్ని పూర్తిగా నిషేధించాలని రుద్రవరం అటవీ రేంజ్ అధికారి శ్రీపతి నాయుడు తెలిపారు.

స్వచ్ఛ యాక్షన్ ప్లాన్ నేషనల్ టైగర్ కన్సర్వేషన్ అథారిటీ సూచనల మేరకు స్వచ్ఛతా హి సేవ కార్యక్రమంలో భాగంగా డిప్యూటీ డైరెక్టర్ టైగర్ ప్రాజెక్ట్ ఐఎఫ్ఎస్,అనురాగ్ మీనా ఆదేశాల మేరకు రుద్రవరం రేంజ్ కార్యాలయ పరిసరాలలోని ప్లాస్టిక్ మరియు వ్యర్ధ పదార్థాలను తొలగించడమైనది. ఇందులో భాగంగా గాంధీ జయంతికి 15 రోజులు ముందుగా అనగా (17 వ తేది సెప్టెంబర్ 2024 నుండి అక్టోబర్ రెండవ తేదీ 2024) వారి ఆశయాలను నెరవేర్చాలనే ఉద్దేశముతో స్వచ్ఛత మరియు పరిసరాల పరిశుభ్రత వంటి కార్యక్రమాలను నిర్వహించడమైనది.ఈ సంవత్సరము ముఖ్య నినాదం మానవ మనుగడ కొనసాగించాలంటే స్వచ్ఛమైన గాలిని పీల్చు కోవడం కోసం ప్రతి ఒక్కరూ బాధ్యతాయుతంగా కనీసము ఒక మొక్కను నాటి సంరక్షించాలని, గ్రామ పరిసరాలను అన్నింటిని పరిశుభ్రంగా ఉంచాలని, పర్యావరణాన్ని పరిరక్షించాలని స్వచ్ఛహిత సేవా కార్యక్రమాల్లో భాగంగా పిలుపునివ్వడమైనది. ఎక్కడ కూడా ప్లాస్టిక్ ను వాడరాదని ,100% ప్లాస్టిక్ రహిత పర్యావరణాన్ని సాధించాలని, ప్రతి ఒక్కరూ గ్రామ వీధులను, పరిసరాలను పరిశుభ్రంగా ఉంచుకోవాలని ఈ సందర్భంగా తెలియజేయడమైనది.ఈ కార్యక్రమంలో డిప్యూటీ రేంజ్ ఆఫీసర్ ఎస్ ముర్తుజావలి మరియు రేంజ్ సిబ్బంది పాల్గొనడం అయినది.