అంగరంగ వైభవంగా కోనసీమ తిరుమల వెంకటేశ్వరస్వామి బ్రహ్మోత్సవాలు…

వాడపల్లి దేవస్థానంలో బ్రహ్మోత్సవాలు ప్రారంభ కార్యక్రమంలో ఎమ్మెల్యే సత్యానందరావు

ఏపీ టుడే న్యూస్ ఉమ్మడి తూర్పుగోదావరి జిల్లా ప్రతినిధి ఆత్రేయపురం (అక్టోబర్ 21) ఏడు శనివారాల వెంకన్న దేవుడిగా భక్తులకు కోరిన కోర్కెలు తీర్చే కోనసీమ తిరుపతి వాడపల్లి వేంకటేశ్వర స్వామివారి బ్రహ్మోత్సవాలు అంగరంగ వైభవంగా ప్రారంభమయ్యాయని కొత్తపేట ఎమ్మెల్యే బండారు సత్యానందరావు అన్నారు. స్వామివారి బ్రహ్మోత్సవాలు ప్రారంభ కార్యక్రమంలో సత్యానందరావు దంపతులు పాల్గొన్నారు బ్రహ్మోత్సవాల సందర్భంగా స్వామివారికి ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ బ్రహ్మోత్సవాలను పురస్కరించుకుని భక్తులకు ఎలాంటి ఇబ్బందులు లేకుండా ఏర్పాట్లు చేస్తున్నట్లు తెలిపారు.అధికారుల పర్యవేక్షణలో అన్ని ఏర్పాట్లు చేశామని సత్యానందరావు చెప్పారు.
ఈ కార్యక్రమంలో ముదునూరి వెంకటరాజు (గబ్బర్ సింగ్ ), కాయల జగన్నాధం, ఏపుగంటి వెంకటేశ్వరరావు మరియు తదితరులు పాల్గొన్నారు.