సీఎం హామీ ఇచ్చారు.. కలెక్టర్ అమలు చేశారు

పల్నాడు జిల్లా/ నరసరావుపేట ఏపీ టుడే న్యూస్ జనవరి 2

నిన్న నరసరావుపేట నియోజకవర్గం లో ముఖ్యమంత్రి చంద్రబాబు పర్యటనలో ఉల్లంగుల ఏడుకొండలుకు ఎయిర్ కంప్రెషర్ ఇస్తాను అని హామీ ఇచ్చారు… దానిని ఈ రోజు లబ్ధిదారుడికి అందజేసిన జిల్లా కలెక్టర్ పి.అరుణ్ బాబు,

యల్లమంద గ్రామ వాస్తవ్యులు ఉల్లంగుల ఏడుకొండలు కుటుంబాన్ని ఆర్థికంగా ఆదుకుంటామని, వ్యాపారం చేసుకునేందుకు సహకారం అందిస్తామని ముఖ్యమంత్రి చంద్రబాబు ఇచ్చిన హామీని జిల్లా కలెక్టర్ పి.అరుణ్ బాబు వెంటనే అమలు చేశారు.

*మంగళవారం ఉదయం ముఖ్యమంత్రి జిల్లా పర్యటనలో ఉల్లంగుల ఏడుకొండలుకు ఇంటివద్దే పింఛను అందజేసి, వారి కుటుంబ సభ్యులకు స్వయంగా కాఫీ తయారు చేసి మరీ ఇవ్వడం జరిగింది. ఆ సందర్భంగా ఏడుకొండలు కుటుంబ పరిస్థితులపై ఆరా తీసి ఆదుకుంటామని హామీ ఇచ్చారు. బీసీ కార్పొరేషన్ ద్వారా రూ.5 లక్షల చెక్కును ప్రజా వేదిక వద్దే ముఖ్యమంత్రి చేతుల మీదుగా అప్పటికప్పుడే అందజేశారు.

*ముఖ్యమంత్రి రాకతో తమ ఇంటికి వెలుగొచ్చిందని, హామీలు అమలు చేసి ఆ వెలుగు కలకాలం నిలిచేలా చేశారని ఏడుకొండలు కుటుంబ సభ్యులు ఆనందం వ్యక్తం చేశారు.

*ఈ కార్యక్రమంలో పల్నాడు జిల్లా కలెక్టర్న మరియు నరసరావు పేట ఆర్డీవో మధులత, తహశీల్దార్ వేణుగోపాల్ తదితరులు పాల్గొన్నారు….