*డ్వాక్రా యానిమేటర్ పై విచారణ*

రిపోర్టర్: జైదేవ్
అంబెడ్కర్ కోనసీమ జిల్లా
కొత్తపేట నియోజకవర్గం
ఆలమూరు మండలం

కొత్తపేట నియోజకవర్గం ఆలమూరుకు చెందిన డ్వాక్రా యానిమేటర్ శిరోమణి పై వివిధ గ్రూపులకు చెందిన సభ్యులు ఇచ్చిన ఫిర్యాదులపై ఉన్నతాధికారులు స్పందించారు.బుధవారం స్త్రీ నిధి ఏజీఎం ప్రసన్నలక్ష్మి ,ఉన్నతి డిపిఎం ఎం శామ్యూల్ ఆలమూరు వచ్చి విచారణ జరిపారు. శిరోమణి నిర్వహణలో ఉన్న 59 గ్రూపులకు గాను 13 గ్రూపులకు సంబంధించి ఎస్సీ సబ్ ప్లాన్ ద్వారా తీసుకున్న ఉన్నతి రుణాల రికవరీ కి సంబంధించి రూ 3.73 లక్షలను ఆమె సంఘాల నుంచి వసూలు చేసి బ్యాంకులకు జమ చేయకుండా నిధులు దుర్వినియోగం చేసినట్లు నిర్ధారణ చేశారు. ఆ నిధులను సొంత అవసరాలకు వాడుకున్నట్లు ఆ మొత్తాన్ని తాను తిరిగి చెల్లిస్తానని శిరోమణి అంగీకరించినట్లు అధికారులు తెలిపారు.