సాగునీరు అందించి రైతులను ఆదుకోవాలి.

జూపాడు బంగ్లా ఎత్తిపోతలకు మరమ్మతులు చేపట్టాలి.

ఏపీ టుడే న్యూస్ బ్యూరో కర్నూల్ సిటీ నందికొట్కూరు:

జూపాడుబంగ్లా ఎత్తిపోతల పథకం పేజ్ 1, పేజ్ 2 లకు మరమ్మతులు చేయకపోవడం వల్ల సాగునీరు అందక రైతులు తీవ్ర ఇబ్బందులకు గురవుతున్నరని పంటలు ఎండిపోతున్నాయని తక్షణమే ప్రభుత్వమే నిధులు విడుదల చేసి మరమ్మతులు చేసి సాగునీరు అందించాలని సోమవారం నందికొట్కూరు శాసనసభ్యులు గిత్త జయసూర్య కు సిపిఐ జిల్లా నాయకులు ఎం. రమేష్ బాబు వినతిపత్రం అందించారు. ఈ సందర్భంగా రమేష్ బాబు మాట్లాడుతూ జూపాడు బంగ్లా పేజ్ 1,పేజ్ 2 సంబంధించి వందలాది ఎకరాల భూముల్లో రైతులు సాగునీరు వస్తుందని ఆశతో వివిధ రకాల పంటలు వేసుకున్నారని వివరించారు. మొక్కజొన్న, మిరప, వరి తదితర పంటలు వేపుగా పెరిగింది. ఇప్పుడు పుస్కలంగా నీరు అవసరమని, ప్రస్తుత పరిస్థితుల్లో పెట్టుబడికే రైతుల దగ్గర డబ్బులు లేక ఇబ్బందులకు గురవుతున్నారని డబ్బులు వసూళ్లు చేసుకుని మరమ్మత్ లు చేసుకునే పరిస్థితి లేదన్నారు. కావున రైతుల దగ్గర వసూలు కాకుండా ప్రభుత్వమే నిధులు కేటాయించి మరమ్మతులు చేసి రైతులకు న్యాయం చేయాలని లేని పక్షంలో లక్షలాది రూపాయలు రైతులు పెట్టుబడి పెట్టి పంట దిగుబడి రాక నష్టపోయే ప్రమాదం ఉందని వారు ఎమ్మెల్యేని కోరారు.తక్షణమే ఈ ప్రాంత రైతుల గురించి ఆలోచించి మరమ్మతులు చేయించి సాగునీరు అందించాలని కోరారు..