విశేష పూజలు నిర్వహించిన జిల్లా కలెక్టర్ దంపతులు శ్రీమతి రాజకుమారి గణియా శ్రీహరి.

సయ్యద్ ఇక్బాల్ హుస్సేన్
ఏపీ టుడే న్యూస్
నంద్యాల జిల్లా బ్యూరో.

కలెక్టరేట్లో పరిపాలన గణనాథుని వేడుకలు.

వినాయకుడి ఆశీర్వాదములతో జిల్లా అభివృద్ధి పథంలో నడవాలి.

విశేష పూజలు నిర్వహించిన జిల్లా కలెక్టర్ దంపతులు శ్రీమతి రాజకుమారి గణియా శ్రీహరి.

వినాయక చవితి పండుగ సందర్భాన్ని పురస్కరించుకొని శనివారం కలెక్టరేట్లో రెవెన్యూ శాఖ ఆధ్వర్యంలో గణేశ చతుర్థి వేడుకలు ఘనంగా నిర్వహించారు. ఈ వేడుకల్లో జిల్లా కలెక్టర్ రాజకుమారి గణియా, శ్రీహరి దంపతులు పాల్గొని పరిపాలన గణనాథునికి ప్రత్యేక పూజలు నిర్వహించి పండితుల ఆశీర్వాదాలు తీసుకున్నారు.
ఈ సందర్భంగా జిల్లా కలెక్టర్ జిల్లా ప్రజలందరికీ వినాయక చవితి శుభాకాంక్షలు తెలుపుతూ సర్వ విజ్ఞాలను అధిగమించి జయమును కలిగించే వినాయకుడి ఆశీర్వాదములతో జిల్లా అభివృద్ధి పథంలో నడవాలని కోరుకున్నట్లు తెలిపారు. బుద్ధి-సిద్ధినిచ్చి, దుఃఖాన్ని నివారించి, సంతోషాన్ని కలిగించే గణేశుడు జిల్లా ప్రజలకు, వారి కుటుంబ సభ్యులకు విద్యాబుద్ధులు, ఆయురారోగ్యాలు ప్రసాదించాలని కోరారు. ఈ కార్యక్రమంలో జిల్లా రెవెన్యూ అధికారి ఎ. పద్మజ, కలెక్టరేట్ ఏఓ రవి, అన్ని సెక్షన్ల సూపరింటెండెంట్లు రెవిన్యూ సర్వీస్ అసోసియేషన్ అధ్యక్ష కార్యదర్శులు, కలెక్టరేట్ సిబ్బంది తదితరులు పాల్గొన్నారు.