వార్డుల్లో మౌలిక వసతుల కల్పనకు చర్యలు

వార్డుల్లో మౌలిక వసతుల కల్పనకు చర్యలు

ఏపీ టుడే న్యూస్, కర్నూలు బ్యూరో

నగరంలో వార్డుల్లో అత్యవసరమైన రహదారులు, మురుగు కాల్వల నిర్మాణం వంటి స్థానిక సమస్యల పరిష్కారానికి చర్యలు తీసుకోవాలని నగరపాలక కమిషనర్ ఎస్.రవీంద్ర బాబు అధికారులను ఆదేశించారు. శనివారం 40వ వార్డులో కార్పొరేటర్ ఎం.విక్రసింహా రెడ్డితో కలిసి విసృతంగా పర్యటించారు. ప్రజల నుండి దృష్టికి వచ్చిన, కార్పొరేటర్ తెలిపిన పలు సమస్యల పరిష్కారానికి కృషి చేస్తానని కమిషనర్ పేర్కొన్నారు. అనంతరం కమిషనర్ సాయిబాబా గేరి, ప్రకాశ్ నగర్, బంగార పేట తదితర ప్రాంతాల్లో పారిశుద్ధ్య పనులను పరిశీలించారు. అలాగే తుంగభద్ర నది తీరాన పర్యటించి, ఎస్టీపి‌కి అనువైన ప్రదేశం ఎంపిక కోసం చర్చించారు. కార్యక్రమంలో ఆరోగ్యధికారి విశ్వేశ్వర రెడ్డి, శానిటేషన్, సూపర్వైజర్ నాగరాజు, పబ్లిక్ హెల్త్ ఎస్ఈ మురళీమోహన్, డిఈ నరేష్, ఏఈ దినేష్, ఏసిపి రంగస్వామి, టౌన్ ప్లానింగ్ సూపర్వైజర్ షబ్రీశ్, శానిటేషన్ ఇంస్పెక్టర్ మునిస్వామి తదితరులు పాల్గొన్నారు.