డి.యం కు వినతిపత్రం అందజేసిన మద్యం దుకాణాల సూపర్వైజర్లు

ఏపీ టుడే న్యూస్
కడప జిల్లా,
ప్రొద్దుటూరు;

ఆంధ్రప్రదేశ్ రాష్ట్రం వ్యాప్తంగా అక్టోబర్ ఒకటో తేదీ నుండి నూతన మద్యం విధానం అమలు చేయనున్నట్లు రాష్ట్ర ప్రభుత్వం ప్రకటించిన నేపథ్యంలో తమకు ఉద్యోగ భద్రత కల్పించి తమ కుటుంబాలకు అండగా ఉండాలని ఆంధ్రప్రదేశ్ స్టేట్ బేవరేజెస్ కార్పొరేషన్ కాంట్రాక్ట్ అండ్ సోర్సింగ్ ఎంప్లాయిస్ వెల్ఫేర్ అసోసియేషన్ ప్రొద్దుటూరు పరిధిలోని 84 ప్రభుత్వ దుకాణాల సూపర్వైజర్లు సోమవారం మధ్యాహ్నం డిపో మేనేజర్ తిమ్మరాయుడిని కలిసి వినతి పత్రం అందజేశారు. గత ప్రభుత్వం రాష్ట్రవ్యాప్తంగా 3600 ప్రభుత్వ మద్యం దుకాణాలను ఏర్పాటు చేసి ఔట్సోర్సింగ్ ప్రాతిపదికన మద్యం దుకాణం నందు పనిచేయుటకు రాష్ట్ర ప్రభుత్వం అధికారికంగా నోటిఫికేషన్ జారీ చేయడం జరిగిందని ఈ ఎంపిక ప్రక్రియ నేపథ్యంలో రాష్ట్రవ్యాప్తంగా దాదాపు 15 వేల మంది ఉద్యోగులు విధులలో చేరటం జరిగిందని, అయితే నూతన ప్రభుత్వం ఏర్పడ్డాక ప్రభుత్వ మద్యం దుకాణాల స్థానంలో ప్రైవేట్ దుకాణాలను ఏర్పాటు చేసి తమ పొట్ట కొట్టనున్నారని కావున సంబంధిత అధికారులతో చర్చించి తమకు న్యాయం చేస్తూ పెండింగ్ బకాయిలను ప్రభుత్వం జారీ చేసిన జీవ ప్రకారం అందించి న్యాయం చేయాలని కోరారు.