147 ఎకరాల అటవీ భూమి ఆక్రమణ – సర్వే చేస్తున్న అటవీ శాఖ అధికారులు

ఏపీ టుడే న్యూస్,
కడప జిల్లా,
ప్రొద్దుటూరు;

కడప జిల్లా ప్రొద్దుటూరు అటవీ రేంజ్ పరిధిలోని అటవీ భూమి యొక్క సర్వేను అటవీ శాఖ అధికారులు, రెవెన్యూ అధికారులు కలిసి సంయుక్తంగా నిర్వహిస్తున్నారు. గతంలో ఫారెస్ట్ గెజిట్ ప్రకారం ప్రొద్దుటూరు అటవీ రేంజ్ పరిధిలో 1049ఎకరాల అటవీ భూమి ఉందని, అయితే ప్రస్తుతం 902 ఎకరాల విస్తీర్ణంలో మాత్రమే అటవీ భూమి ఉందని అటవీశాఖ అధికారులు తెలిపారు. ఈ జాయింట్ సర్వేలో అటవీ భూమి ఎంత మేరకు ఆక్రమణకు గురైందో కనుక్కొని తదుపరి నివేదిక ఉన్నతాధికారులకు పంపించనున్నట్లు అధికారులు తెలిపారు. నేటి నుంచి జరగబోయే ఈ జాయింట్ సర్వే మరో 20 రోజులపాటు కొనసాగుతుందని ప్రొద్దుటూరు ఫారెస్ట్ రేంజర్ హేమాంజలి తెలిపారు..