పూడికతీత పనుల్లో జాప్యం చేయవద్దు – నగరపాలక కమిషనర్ ఎస్.రవీంద్ర బాబు

ఏపీ టుడే న్యూస్, కర్నూలు బ్యూరో

మ్యాన్‌హోల్‌లపై మూతలు ఉండేలా చూడండి

నగరంలో మురుగు కాలువలలో చేపట్టాల్సిన పూడికతీత పనుల్లో జాప్యం చేయవద్దని నగరపాలక కమిషనర్ అధికారులను ఆదేశించారు. శనివారం ప్రకాష్ నగర్, రోజా స్ట్రీట్, అశోక్ నగర్, సంకల్ బాగ్ తదితర ప్రాంతాల్లో పారిశుద్ధ్య పనులను కమిషనర్ పరిశీలించారు. మ్యాన్ హోల్స్ ధ్వంసమైతే వెంటనే ప్రజారోగ్య విభాగపు సిబ్బంది, ఇంజనీరింగ్ విభాగపు అధికారులతో సమన్వయం చేసుకుని ఎప్పటికప్పుడు కొత్త ఇనుప చువ్వలు ఏర్పాటుకు చర్యలు తీసుకోవాలని సూచించారు. కార్యక్రమంలో ఆరోగ్యధికారి డా. వి. విశ్వేశ్వర రెడ్డి, శానిటేషన్ ఇంస్పెక్టర్ మునిస్వామి తదితరులు పాల్గొన్నారు.