మంత్రాలయంలో ఆర్యవైశ్య సంఘం ఆధ్వర్యంలో శరన్నవరాత్రి ఉత్సవాలు

ఏపీ టుడే న్యూస్ మంత్రాలయం రిపోర్టర్:

మంత్రాలయంలోని స్థానిక ఆర్యవైశ్య కళ్యాణ మండపం నందు ఆర్యవైశ్య సంఘం ఆధ్వర్యంలో శరన్నవరాత్రి ఉత్సవాలు ఘనంగా నిర్వహిస్తున్నారు. గత 15 సంవత్సరాల నుండి శరన్నవరాత్రి ఉత్సవాలు ఆర్యవైశ్య కుల బంధువులందరూ కలిసి తొమ్మిది రోజులు ప్రతిరోజు ఒక అవతారంతో అమ్మవారిని కొలవడం జరుగుతుంది. ప్రతిరోజు ఉదయం అమ్మవారికి అలంకరణ, మంగళ హారతులు, ధూప, దీప, నైవేద్యాలు సమర్పణ చేసి వచ్చిన భక్తులకు అల్పాహారం పంపిణీ చేస్తారు. చివరి రోజు 12వ తేదీన ఆర్యవైశ్య కుల బాంధవులందరూ అమ్మవారిని ఊరేగింపుగా మంత్రాలయం పురవీధుల వెంబడి తీసుకెళ్లి తుంగభద్రా నది తీరాన నిమజ్జనం నిర్వహిస్తారు అక్కడే వచ్చిన భక్తులకు అన్న ప్రసాదాల వితరణ కార్యక్రమం నిర్వహిస్తారు.