మొలకలచెరువు మండల సర్వసభ్య సమావేశాన్ని అడ్డుకున్న టిడిపి నాయకులు…

అన్నమయ్య జిల్లా/తంబళ్లపల్లి ఏపీ టుడే న్యూస్ జనవరి 02:-

అన్నమయ్య జిల్లా తంబళ్లపల్లి నియోజకవర్గంలోని మొలకలచెరువు మండల సర్వసభ్య సమావేశం నిర్వహణలో ఉద్రిక్త వాతావరణం నెలకొంది.

తంబళ్లపల్లె నియోజకవర్గం లో ఆరు నెలలుగా, ఆరు మండలాలకు చెందిన మండల సర్వసభ్య సమావేశాలను టిడిపి నాయకులు అడ్డుకుంటున్నారు. మొలకలచెరువు ఎంపీడీవో కార్యాలయంలో వైసీపీ ఎంపీపీలు, ఎంపీటీసీలు కలిసి హైకోర్టు వెళ్లి సర్వసభ్య సమావేశం నిర్వహణకు ఉత్తర్వులు తీసుకొచ్చారు. ములకలచెరువు మండల సర్వసభ్య సమావేశం నిర్వహణకు అధికారులు పిలుపునిచ్చారు.ఆరు మండలాల నుంచి పెద్ద సంఖ్యలో టిడిపి నాయకులు ఎంపీడీవో కార్యాలయానికి చేరుకొని, మెజారిటీ వైసిపి ఎంపీటీసీలు లోనికి వెళ్ళనీయకుండా అడ్డుకున్నారుమరోవైపు పెద్ద సంఖ్యలో వైసిపి నాయకులు అక్కడికి చేరుకొని, ఎంపీపీ సాయిలీల తోపాటు, అందరు ఎంపీటీసీలను లోనికి పంపించారు.
సమయం ముగిసిపోవడంతో సర్వసభ్య సమావేశాన్ని వాయిదా వేస్తున్నట్లు ఎంపీడీవో హరి నారాయణ ప్రకటించారు.వైసిపి ఎంపీటీసీలు ఎంపీడివోతో వాగ్వాదానికి దిగారు.సమయానికే కార్యాలయానికి వచ్చినా ఎంపీడీవో కావాలనే సమావేశాన్ని వాయిదా వేసారని వాగ్వాదానికి దిగారు ఎంపిడిఓ కార్యాలయం బయట ఇరువు వర్గాలకు చెందిన నాయకులు చేరుకోవడంతో ఉద్రిక్తత పరిస్థితి నెలకొంది.

పోలీసులు బారికేడ్లు ఏర్పాటు చేసి రెండు పార్టీల నాయకులను కలుసుకోకుండా దూరం దూరం పెట్టారు.అనంతరం ఎంపీపీ సాయి లీల మాట్లాడుతూ మహిళలు పట్ల తెలుగుదేశం పార్టీ నాయకులు అసభ్యకరంగా ప్రవర్తించారని తెలిపారు