కేంద్ర,రాష్ట్ర ప్రభుత్వాలు బిసి కుల గణన చేయాలి

పరం జ్యోతి,బహుజన సమాజ్ పార్టీ నాయకులు

ఏపీ టుడే న్యూస్, కర్నూలు బ్యూరో

కేంద్ర,రాష్ట్ర ప్రభుత్వాలు బిసి కుల గణన చేయాలని బహుజన సమాజ్ పార్టీ నాయకులు పరంజ్యోతి డిమాండ్ చేశారు.శుక్రవారం నగరంలోని సూరజ్ గ్రాండ్ హోటల్లో బహుజన సమాజ్ పార్టీ ఆధ్వర్యంలో బిసి కులగణనపై రౌండ్ టేబుల్ సమావేశం ఏర్పాటుచేశారు. సమావేశానికి బహుజన సమాజ్ పార్టీ నాయకులు పరంజ్యోతి హాజరయ్యారు. ఈ సందర్బంగా అయన మాట్లాడారు. దేశంలో 50శాతానికిపైగా ఉన్న బిసిలు కులగణన కోసం పోరాడాల్సి రావడం దురదృష్టకరం అన్నారు.కులగణన ప్రకారంగా రిజర్వేషన్ లు,హక్కులు, సౌకర్యాలు కల్పించాలని కోరారు.గత 100సంవత్సరాలలో స్వతంత్రానికి పూర్వం,స్వాతంత్ర అనంతరం కూడా ప్రభుత్వాలు బిసిలను పట్టించుకోలేదని ఆవేదన చెందారు.ఇప్పటికైనా ప్రభుత్వాలు స్పందించాలని ఆయన డిమాండ్ చేశారు.ఈ కార్యక్రమంలో బహుజన సమాజ్ పార్టీ నాయకులు, కార్యకర్తలు,తదితరులు పాల్గొన్నారు.